УИХ-ын чуулганы нэгдсэн хуралдаан өнөөдөр болно. Хуралдаанаар дараах асуудлыг хэлэлцэхээр төлөвлөсөн байна.

1. Сэтгэцийн эрүүл мэндийн тухай /шинэчилсэн найруулга/ болон Сэтгэцийн эрүүл мэндийн тухай хуулийг хүчингүй болсонд тооцох тухай хуулийн төслүүд /хэлэлцэх эсэх/:

•    Хууль санаачлагчийн илтгэлийг Эрүүл мэндийн сайд Н.Удвал танилцуулна;
•    Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн Г.Баярсайхан танилцуулна.
2. Монгол Улсын Ерөнхийлөгчийн сонгуулийн тухай /шинэчилсэн найруулга/, Монгол Улсын Ерөнхийлөгчийн сонгуулийн тухай хууль хүчингүй болсонд тооцох тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай, Төрийн аудитын тухай хуульд нэмэлт, өөрчлөлт оруулах тухай, Сонгуулийн автоматжуулсан системийн тухай хуулийн төслүүд /хэлэлцэх эсэх/:

•    Хууль санаачлагчийн илтгэлийг Улсын Их Хурлын гишүүн Р.Бурмаа танилцуулна;
•    Төрийн байгуулалтын байнгын хорооны санал, дүгнэлтийг Улсын Их Хурлын гишүүн танилцуулна. Мөн өнөөдөр УИХ-ын Төрийн байгуулалтын байнгын хороо өнөөдөр хуралдана. Тус хуралдаанаар УИХ-ын гишүүн Р.Бурмаа нарын өргөн мэдүүлсэн Монгол Улсын Ерөнхийлөгчийн сонгуулийн тухай /шинэчилсэн найруулга/, Монгол Улсын Ерөнхийлөгчийн сонгуулийн тухай хууль хүчингүй болсонд тооцох тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай, Төрийн аудитын тухай хуульд нэмэлт, өөрчлөлт оруулах тухай, Сонгуулийн автоматжуулсан системийн тухай хуулийн төслүүдийг хэлэлцэхээр болжээ.