УИХ-ын гишүүн С.Ганбаатар Оюутолгойн гэрээгээг шүүмжилж иргэдээс оноо цуглуулан Ерөнхийлөгчийн ирэх сонгуульд өрсөлдөх нь гэсэн мэдээлэл цацагдах болсон. Тэгвэл энэ талаар түүнээс тодруулахад, “Би Ерөнхийлөгчийн сонгуульд өрсөлдөхгүй гэдгээ 100 хувь, түүнээс ч илүү хувиар баталж чадна. Үнэхээр итгэхгүй бол наториатаар баталгаажуулсан ч болно. Би 2008 онд УИХ-ын гишүүн болохгүй гэдгээ наториатаар баталгаажуулж байсан биз. Харин энэ сонгуулиар үйлдвэрчний эвлэлийн гишүүд маань намайг УИХ-ын гишүүн бол гэсэн учраас гишүүн болсон. Энэ дөрвөн жилд гишүүнээрээ ажиллана. Оюутолгойн асуудлаар дагнана. Мэдээж сонгогдсон тойрог Дархан-Уул аймагтаа “юм” хийнэ” гэсэн хариултыг өглөө.