УИХ-ын гишүүн С.Баярцогт, С.Ганбаатар нар Оюутолгойн гэрээний эргэн тойрондох асуудлаар мэтгэлцсэн. Мэтгэлцээнийг гаднаас нь дүгнэхэд УИХ-ын гишүүн С.Баярцогт ялсан мэт харагдаж байгаа боловч үнэн хэрэгтээ би ялсан хэмээн С.Ганбаатар гишүүн хэлж байгаа. Тэрээр, “Би мэтгэлцээнээр Баярцогт гишүүнээс 27 асуулт асуусан. Гэвч миний нэг ч асуултад хариулаагүй” хэмээн хэлсэн. Тиймээс эрхэм гишүүн С.Баярцогт гишүүнд албан бичгээр асуултаа дахин илгээж хариулт эржээ. Удаа дараа албан бичиг явуулсны хариуд УИХ-ын гишүүн С.Баярцогт “Би энэ сарын 3-15 хооронд Монголд байхгүй тус ирээд хариу өгье” хэмээсэн байна. Гэвч хариу өгөх хугацаа нь өнгөрчихөөд байхад одоо болтол асуултад нь хариу ирүүлээгүй байгаа юм.