Шинээр тангараг өргөсөн УИХ-ын гишүүн Д.Арвин АН-ын бүлэгт элсчээ, Г.Батхүүгийн хажууд суулаа гэсэн мэдээлэл өнгөрсөн баасан гаригт цацагдаж эхэлсэн. Гэтэл өчигдөр МАН-ын гишүүн Н.Энхболд Д.Арвин гишүүн намаасаа гарах тухай яриагүй гэж хэлж байв. Мөн УИХ дахь АН-ын бүлгийн дарга Д.Эрдэнэбат “Арвин гишүүн өнөөдөртөө МАН-ын  гишүүн хэвээрээ байгаа. Би өөр намын гишүүний өмнөөс ярих эрхгүй” хэмээн хэлж байв. Гэтэл УИХ-ын гишүүн Д.Арвин намаасаа гарах өргөдлөө Баянзүрх дүүргийн МАН-ын нэгдүгээрт үүрт намын батлахынхаа хамт өгчээ. Энэ тухайгаа фэйсбүүкээр зарлаж, өргөдөл намынхаа батлахын хамт цацжээ. Түүний ийм сонголт хийх болсон шалтгаан нь өнгөрсөн сонгуулиар Баянзүрх дүүрэгт нэр дэвшихэд нь намынх нь удирдлагууд түүний бус тус дүүргийн Засаг даргаар ажиллаж байсан Б.Батзоригийг гишүүн болгох гэж хүч өгснийх гэж тоймчид тайлбарлаж байгаа. Тэгвэл түүний АН-д орох өргөдлөө өгөхийг хүлээх үлдлээ.