Хэвлэлийн эрх чөлөөний хуулийн төсөл УИХ-д орж ирсэн цагаасаа эхлэн хэвлэл мэдээллийн салбарынхны дунд дуулиан тарьж, багагүй эсэргүүцэлтэй тулгараад байгаа. Ялангуяа хэвлэл мэдээллийн хэрэгслүүдийг эздээс ангид байлгах гэсэн заалтууд энэ салбарт ажиллагсад сэтгүүлчдийн зүгээс ихээхэн шүүмжлэл дагуулж байгаа гэхэд болно. УИХ-ын Төрийн байгуулалтын байнгын хороо өнөөдөр энэ хуулийн төслийг анх удаа хэлэлцээд боловсруулалт хангалтгүй гэсэн шалтгаанаар тодорхойгүй хугацаагаар ажлын хэсэгт нь шилжүүлэхээр шийдвэрлэлээ.