УИХ-ын чуулганы хуралдаанаар Ерөнхийлөгчийн сонгуулийн тухай хуулийг хэлэлцэж байна. Байнгын хорооны санал дүгнэлтийг УИХ-ын гишүүн Р.Бурмаа танилцуулсан юм. Хэлэлцэж байгаа асуудалтай холбоотойгоор Д.Лүндээжанцан, Д.Дэмбэрэл нарын цөөнх болсон байна.
Энэ асуудалтай холбоотойгоор УИХ-ын гишүүн О.Баасанхүү, Солонгосын Ерөнхийлөгчийн сонгуулиар саналын хуудсыг машинаар тоолсныгоо гараар давхар тоолдог юм билээ. Энэ ямар учиртай юм бэ гэсэн асуултыг СЕХ-ны дарга Ч.Содномцэрэнгээс асуусан. Асуултын хариуд, “Солонгост саналын хуудсыг сортлоод ялгачихдаг юм билээ. Тэгээд түүнийгээ машинаар болон гараар тоолдог” гэсэн хариулт өгсөн юм.
Цөөнх болсон Д.Лүндээжанцан, “Ерөнхийлөгчийн сонгуулийг зургадугаар сарын сүүлийн долоо хоногийн нэг амралтын өдөр болох ёстой. Яагаад гэвэл ажлын нэг өдөр амарвал иргэд нэг өдрийнхөө цалинг алдаад байна. хэрэв дахин санал хураалт явуулбал дахиад л амрах болно шүү дээ” хэмээсэн юм. Ингээд энэ асуудлаар санал хураахад Ерөнхийлөгчийн сонгуулийг зургадугаар сарын сүүлийн долоо хоногийн ажлын өдөр явуулахаар тогтлоо. Эл өдөр нь бүх нийтийн амралтын өдөр байх юм.