УИХ-ын гишүүн Д.Арвинг намаа сольж байгааг экс намынх нь дарга Ө.Энхтүвшингийн байр суурийг сонслоо.
-УИХ-ын гишүүн Д.Арвин МАН-аас сонгогдсон хэрнээ, татгалзлаа. Та үүнд ямар бодолтой байна вэ?
-Энэ хүнийг МАН олон удаа дэвшүүлж, сонгосон. Уг нь МАН-аас сонгуульд нэр дэвшигч нь тус намаас дэвшүүлж байгаа мөрийн хөтөлбөрийг тууштай дэмжихээ илэрхийлж батламжилж гарын үсэг зурдаг. Энэ хүн тэрийгээ мартсан бололтой. МАН цөөнх болсон энэ цаг үед Д.Арвинд  нам нь хэрэггүй болж, Ардчилсан нам хэрэгтэй болжээ. Түүний төлөө Баянзүрх дүүргийн иргэд саналаа өгсөн. Тэднээс МАН уучлал гуйж байна.
-Түүний намаасаа гарах болсон шалтгаан нь өнгөрсөн сонгуулиар МАН түүнийг дэмжээгүй гэж хэлж байсан. Үнэхээр ийм юм болсон юм уу?
-Намдаа гомдлоо гээд хаяад явдаг бол хамгийн зарчимгүй зүйл. Намаас нэр дэвшүүлж байгаа хүмүүстээ ялгавартай хандах ёсгүй шүү дээ.