УИХ-ын гишүүн Д.Арвинийг улстөрийн хүрээнийхэн янз бүрээр ярьж байна. АН-ынхан тун таатай хүлээж авч байгаагаа мэдэгдсэн бол МАН-ынхан “Энэ хүнийг олон жил дэмжсэн. Гэвч...” гэж гомдсон тунирхсан үг унагаж байна. Тэгвэл өнгөрсөн дөрвөн жилд УИХ-ын гишүүнээр ажиллаж байсан ИЗНН-ын дарга Д.Энхбат, “Арвин гишүүн сонголтоо хийжээ. Нам бол шашин биш, ердийн нэг ТББ гэдгийг олон түмэнд ойлгуулахад энэ алхам нэмэр болох болтугай” хэмээжээ. Түүний хувьд ч УИХ-д Ногоон намаас дэвшиж гарсан хойноо ИЗНН-д элсэж байсан юм. Тиймээс өөрийн болоод Арвины хийсэн алхамыг ингэж зөвтгөж байгаа бололтой.