Энэ сарын 21-нд гурван хоног нар бүгж, дэлхий сүйрнэ гэсэн зөнчдийн мэдээлэл олон хүнийг цочроосон бололтой. Зөвхөн хөдөө орон нутгийн иргэд гэлтгүй хотынхон ч лаа, шүдэнз, газ нөөцөлж байна аж. Учир нь, хүнсний томоохон супермаркет, дэлгүүрүүдэд хамгийн борлуулалттай бараа шүдэнз, лаа, газ байгаа гэнэ. Өчигдөр л гэхэд Амгалангийн “Макс” дэлгүүрт зарагдаж байсан бүх лаа, шүдэнз, газ дууссан гэж худалдагч нь хэлж байлаа. Уг нь, Маяачуудын зөгнөснөөр энэ өдөр шинэ он цагийн эхлэл ирж байгаа юм гэж тэмдэглэн үлдээсэн тухай шашны болон зурхай судлаач эрдэмтэд тайлбарлаж байгаа ч иргэдийн дунд аман цуу яриа гарснаас ийнхүү шүдэнз, лаа, газны борлуулалт эрс өссөн байна.