Монгол Улсын шүүхээс 2,6 жилийн ял авсан ч, эрүүл мэндийн шалтгаанаар клиникийн хоёрдугаар эмнэлэгт хэвтэж байсан, Монгол Улсын Ерөнхийлөгч асан Намбарын Энхбаярыг Шүүхийн шийдвэр гүйцэтгэлийн алба өнөөдөр өглөө Зайсан дахь дамжин өнгөрүүлэх 401 дүгээр ангид  аваачсан байна. Энд МАХН-ын зүтгэлтнүүд, УИХ-ын Нийгмийн бодлого боловсрол, соёл шинжлэх ухааны байнгын хорооны дарга З.Баянсэлэнгэ, гишүүн Л.Цог, МАХН-ын ерөнхий нарийн бичгийн дарга Г.Шийлэгдамба нар очоод байна. Хууль сахиулах байгууллагынхан тэдний хэнийг ч Н.Энхбаяртай уулзуулахгүй байгаа болохоор З.Баянсэлэнгэ УИХ-ын Байнгын хороон даргынхаа хувьд ажлын хэсэг томилж, намын даргатайгаа уулзаж, нөхцөл байдлыг тодруулна гэж байгаа гэнэ.