УИХ-ын чуулганы нэгдсэн хуралдаанаар Ерөнхийлөгчийн сонгуулийн тухай хуулийг хэлэлцэн баталлаа. Энэ хуулийг хэлэлцэх явцад, хугацаа, хандивыг хэрхэх эсэх нь нэлээд маргаан дагуулсан. Гэсэн ч хоёр намын гишүүд хэлэлцсэний эцэст санал нэгдсэн. Ингээд өнөөдөр энэ хуулийг баталсан юм. Хуулийн дагуу сонгуулийн тухай хуулийг сонгууль болохоос зургаан сарын өмнө баталсан байх учиртай байдаг. Тиймдээ ч энэ хуулийг өнөөдөр баталснаар Ерөнхийлөгчийн сонгууль 2013 оны зургадугаар сарын сүүлчээр болох боломжтой боллоо. Ерөнхийлөгчөөс өргөн мэдүүлсэн УИХ-ын тухай хуульд нэмэлт, өөрчлөлт оруулах тухай хуулийн төслүүдийг хэлэлцэж, олонхийн саналаар батлав. Ингэснээр УИХ хурал бүрэлдэхэд албан ёсоор бүлэг байгуулж чадаагүй МАН бүлэгтэй болох боломж нь нээгдэж байгаа юм.