Монголын эрх баригчид өндөр хөгжилтэй орнуудтай харилцах хамтын ажиллагаагаа өсгөх бодолтой байна. Монгол улс бол далайд гарцгүй 31 улсын нэг. Ийм ч болохоор тээврийн хүчин чадал муу,  эдийн засгийн хувьд бие даах чадвар сул, гадаад худалдааны эргэлт бага, экспортод гаргах хүчин чадал сул гэж үздэг юм. Монгол улс далайд гарцгүй орнуудын судалгааны төвийг Улаанбаатарт байгуулах, ийм байдлаар эдийн засагчид, эрдэмтдийн хүчийг ашиглах бодолтой байгаа юм. Ингэвэл энэ байгууллага Монголын нийгэм эдийн засгийн хөгжилд нааштай нөлөө үзүүлэхээс гадна, Монголд суурилсан олон улсын анхны байгууллага болох юм. Монгол Улсын Гадаад харилцааны сайд Л.Болд энэ талаар Казахстан улсаас Монгол Улсад суугаа элчин сайд О.Нурбаевтай уулзахдаа илэрхийлсэн байна.