УИХ-ын Хүний эрхийн дэд хорооны гишүүд маргааш Шүүхийн шийдвэр гүйцэтгэх ерөнхий газрын харьяа зарим хорих ангид ажиллана. Тэд эмэгтэйчүүдийн хорих /407 дугаар анги/, насанд хүрээгүйчүүдийн хорих /411 дүгээр анги/, дамжин өнгөрүүлэх байр, эмнэлэг /401 дүгээр анги/, цагдан хорих 461 дүгээр анги болон ШШГЕГ-ын ажилтай танилцах юм байна. Ингээд Хүний эрхийн дэд хорооны гишүүд хорих ангиудад хүний эрх хэрхэн зөрчигдөж байгаад дүн шинжилгээ хийж, тодорхой чиглэлээр ажил зохион байгуулах аж.  
Түүнчлэн ХЭҮК-оос гаргасан Монгол Улс дахь хүний эрх, эрх чөлөөний байдлын талаархи 2011 оны илтгэлд хориход хүмүүжиж буй иргэдийн эрхийн зөрчлийн асуудлыг чухалчилж тусгасан нь УИХ-ын Хүний эрхийн дэд хорооны гишүүдийг дээрх хорихуудад ажиллахад хүргэжээ.