Өнөөдөр  УИХ-ын Хүний эрхийн дэд хорооны дарга Д.Ганбат тэргүүтэй төрийн түшээд хорих байгууллагуудын ажил, хоригдогсдын ахуй байдалтай танилцаж явах үеэр ЭМЯ, клиникийн хоёрдугаар эмнэлгийн эмч нарын баг Н.Энхбаярын эрүүл мэндэд санаа тавьж эмчлэхээр Шүүхийн шийдвэр гүйцэтгэх газрын харьяа 401 дүгээр ангийн эмнэлэгт хүрэлцэн очсон байна. МАХН-ын дарга Н.Энхбаярыг энд хүргэсний дараа тэднийхэн клиникийн хоёрдугаар эмнэлгийн нарийн мэргэжлийн эмч нарт хандаж туслалцаа хүсэхэд “Энд эмчилгээ хийж байхад та нар авч явсан юм чинь одоо өөрсдөө хариуц” гээд эмч нараа илгээхгүй байсан юм.