Шинэчлэлийн Засгийн газар байгуулагдсанаас хойш цэгцэрч амжаагүй ганц байгууллага нь Мэргэжлийн хяналтын ерөнхий газар. Тус газрыг өдгөө тараах уу, эсвэл үйл ажиллагааг шинэчлэх замаар цааш нь байлгах уу гэдэг хоёр асуулт нийгэмд хариултгүй хүлээлт үүсгээд буй. Хэрэв тус газрыг татан буулгавал нилээд олон хүн ажилгүй болно гэсэн эхний айдас байгаа бол үүний араас шил даран хяналтын систэмгүйгээр монгол улс хөгжих үү гэдэг асуулт урган гарсаар буй. Харин үйл ажиллагаа нь нэгэнт хэвийн явах бол чухам хэн тус газрын даргад томилогдох вэ гэдэг удаах асуулт хариултаа хүлээж байгаа. Одоогоор тус газрын даргаар МАХН-ын нарийн бичгийн дарга Ч.Чимидсүрэнгийн нэр явж байгаа билээ. Тус газар Монгол Улсын Шадар сайд Д.Тэрбишдагвын мэдэлд байдаг гэхэд болно. Тиймээс түүнээс МХЕГ-ын талаар тодрууллаа.

-Гадуур МХЕГ-ыг тараана гэсэн яриа хүчтэй гарч байгаа. Энэ тал дээр та бодитой хариулт өгөөч. Үнэхээр тараах гэж байгаа юм уу?
-Бид аль болохоор тараахгүй, цаашид үйл ажиллагааг нь хэвийн явуулахыг хичээж байгаа. Харин цаашид явуулахдаа тус газрын дотоод бүтцийн өөрчлөлт, зарим нэг өөрчлөлт шинэчлэлтийг хийхээр төлөвлөж байгаа.
-Нэгэнт үйл ажиллагаа хэвийн үргэлжлэхээр бол чухам хэнийг тус газрын даргаар томилохоор төлөвлөөд байгаа вэ?
-Энэ талаар одоогооор ярих боломжгүй байна.