Нүүрсний үнэ хямдарч сэргэх төлөв ажиглагдахгүй байгаа. Манай улс коксжих нүүрсээ уурхайгаас нь шууд ачаад л түүхийгээр нь экспортод гаргадаг. 2011 онд 18 сая тонн нүүрс экспортолж  1.3 гаруй их наяд төгрөгийн борлуулалт хийсэн дүн бий.  Тэгэхдээ нэг тонн нүүрсний дундаж үнэ 100-110 ам.доллар байж. Харин үүнийг боловсруулж экспортолсон бол 2.4 их наяд төгрөг болох тооцоо гарсан байдаг. Учир нь, тухайн үед металлургийн нэг тонн кокс 350-480, нүүрсний баяжмал 250-300, чулуун нүүрсний давирхай 350-400 хагас кокс 150-200 ам.долларын ханштай байжээ. Түүхий нүүрсний үнэ хямдраад байгаа ч боловсруулсан нүүрсний ханш төдийлэн өөрчлөгдөөгүй байгаа аж.