Сүүлийн үед УИХ-ын бие даагч гишүүдийг АН-д элсэж, дүү нараа төрийн албанд шургалах нь гэсэн мэдээлэл цацагдах болсон. Энэ мэдээллийн дагуу УИХ-ын гишүүн Ц.Даваасүрэнгээс тодруулга авлаа.

-Бие даагч гишүүдийг АН-д элсэх гэж байна гэсэн мэдээлэл цацагдах боллоо?
-Ийм мэдээлэл гарсныг би харсан. Гэхдээ наадах чинь ор үндэсгүй гүтгэлэг.
-Мөн дүү нараа төрийн албанд оруулах нь гэсэн мэдээлэл ч байсан?
-Би төрсөн хоёр дүүтэй. Хоёулаа Хөвсгөлдөө ажиллаж байгаа. Нэг нь эмнэлэгт тогооч, нөгөөх нь нисэхт техникч хийдэг. Худлаа гэвэл сайн лавлаарай. Мөрөнгийнхөн андахгүй мэднэ. Ер нь, энэ бол хэн нэгнийг явуулга.
-Тодруулбал?
-Намайг зайлуулах гэсэн л оролдлого.
-Ер нь, бие даагчдын зөвлөл энэ онд ямар байдлаар ажиллах вэ?
-Анхаасаа л баримталж ирсэн зарчмаараа, аль нэг намын дарамт шахалтад бус, ард түмний төлөөлөл гэдэг утгаараа л ажиллана.