Орон нутгийн сонгуулийн үр дүнгээр бий болсон 15 аймгийн Засаг дарга, ИТХ-ын дарга нарын батламжийг өнөөдөр Ерөнхий сайд Н.Алтанхуяг гардуулна. Засаг дарга нарын уулзалт жил болгон болдог уламжлалтай. Энэ уулзалт өнөөдөр 08:00 цагт Төрийн ордны Их танхимд эхлээд байгаа юм. Өнөөдрийн эл уулзалтад Монгол Улсын Ерөнхий сайд аймгийн Засаг дарга нарт батламж гардуулж, шинэчлэлийн Засгийн газраас хэрэгжүүлэх бодлого, чиглэлийг танилцуулна. Эдийн засаг, нийгмийг хөгжүүлэх 2013 оны Үндсэн чиглэлийг хэрэгжүүлэхэд орон нутагт анхаарах, Хүн амын хөгжил, нийгмийн хамгааллын чиглэлээр хэрэгжүүлэх  арга хэмжээ, Батлан хамгаалах, эрүүл мэнд, барилга хот байгуулалтын чиглэл зэрэг Засгийн газрын харьяа агентлаг, яамдуудын үйл ажиллагааг танилцуулах юм байна.