Нийслэлийн удирдах ажилт­нуудын шуурхай зөв­лөлгөөнөөр наадмын бэлтгэл ажлыг хэлэлцлээ. Энэ талаар НЗДТГ-ын дарга, Үндэсний их баяр наадмыг зохион байгуулах комиссын нарийн бичгийн дарга Ё.Гэрэлчулуун “Өнөөдрийн байдлаар наадмын бэлтгэл ажил 60 хувьтай. Төв цэнгэлдэх хүрээлэнгийн доторхи болон  сур, шагайн харвааны талбайн засвар хийгдэж байна. Хүй долоо худаг хүртэлх  8,5 км авто замын гурван километрийг нь тавьсан. Ирэх сарын 5-нд ашиглалтад орно” гэлээ. Түүнчлэн энэ үеэр хуралдааныг даргалсан нийслэлийн Санхүү, эдийн засгийн асуудал хариуцсан орлогч Н.Батаа хотын өнгөрсөн 14 хоногийн нөхцөл байдлын талаархи мэдээллийг сонссон юм.
Ингээд Монгол Улсын Ерөнхийлөгчийн сонгууль болох гэж байгаатай холбогдуулан нийслэлийн Цагдаагийн газрын албан хаагчид өндөржүүлсэн бэлэн байдалд ажиллаж, хотын хэсгийн хороо бүрт нэг албан хаагч хамгаалалтад гарах юм байна.