Сүхбаатар дүүргийн долдугаар хэсгийн хороонд МАХН-аас нэр дэвшигч Н.Удвал сонгуулиа өглөө. Ингээд нэр дэвшигч Н.Удвалыг сонгуулиа өгсний дараа дараах зүйлийг тодрууллаа.


-Сонгуулиа өгсөнд баяр хүргэе?

-Баярлалаа. Монгол Улсын Ерөнхийлөгчийн зургаа дахь удаагийн сонгууль эхэллээ. Манай хэсгийн хороонд сонгуулийн ирц сайн байх шиг байна. Дугаарлаж байгаад 20 гаруй хүний дараа саналаа өглөө. Нийт сонгууль өгч буй иргэдээ идэвхтэй оролцохыг уриалж байна.

-Энэ удаагийн сонгуульд эмэгтэй хүн анх удаа нэр дэвшиж байгаагаараа онцлог болж байна?

-Тийм ээ, түүхэн сонгууль болж байна. Шинэ төрийг урлан бүтээхэд монгол хүн бүр хүчин чармайлт оролцох ёстой. Сонгогчид иргэнийхээ журамт үүргийг гүйцэтгэнэ гэдэгт итгэж байна. Ирц хангалттай байх байхаа.