Сонгуулиа өгөхөөр ороход нэгээс эхлэн дугаарласан олон ширээний та чухам алин дээр нь сууж саналаа өгсөн бэ. Эдгээр хүмүүс тав дугаарын ширээн дээр сууж саналаа өгчээ. Үүнийг нь сошиал медиагаар олон хүн өөр өөрийнхөөрөө тайлбарлах гэж оролдож байна. “Тавь дахь ерөнхийлөгч гэж байх уу гэдгээ шийдэх учраас”, “Тав угаасаа хүнгүй байна лээ”, “Би ч гэсэн тав дээр суугаад саналаа өгнөө” гэх мэтээр тайлбарлаж байгаа ч УИХ-ын дарга З.Энхболд харин үүнийг тайлбарлан твиттер хуудсандаа жиргэв. Тэрээр “Бүгд сурагч байхдаа тав авдаг байсан юм болов уу” гэжээ. УИХ-ын дарга маань л лав тав авдаг байсан үеэ дурсаж энэ ширээг сонгож. Харин та хэддүгээр ширээг сонгох вэ?