Тамирчдын өдөр маргааш тохиох гэж байна. 46 дахь жилдээ тэмдэглэх гэж буй тамирчдын өдрийг Сүхбаатарын талбайд тэмдэглэх юм байна.
Монгол Улсад биеийн тамир, спортын салбар үүсээд 90 гаруй жил болж байгаа юм. Энэ хугацаанд Монголын тамирчдын өдрийг 1957 оноос хойш тэмдэглэж ирсэн. Харин энэ жилийн Тамирчдын өдрийг онцгойлон тэмдэглэхээр шийдэж, бүх нийтийн гүйлт зохион байгуулахаар болжээ.  Гүйлтэд зориулан Төв шуудангаас Чингисийн өргөн чөлөө, Энхтайваны гүүрээс Гандигийн гудамж хүртэлх замыг өглөөний 9-11 цагийн хооронд түр хаахаар болсон байна. Бүх нийтийн гүйлтэд ойролцоогоор мянга гаруй тамирчин оролцох төлөвтэй байна.
Мөн маргааш олимпын медальтнуудаас эхлээд ахмад, дунд болон өсөж яваа үеийн тамирчдын  баярын жагсаал болж, тамирчид Сүхбаатарын хөшөөнд цэцэг өргөх аж. Энэ үеэр нум сум харваа, шагай харваа,  сагсанбөмбөг, бейсбол, таеквондо зэрэг спортын төрлийн үзүүлэх тоглолт болох учир амралтын өдрөө сонирхолтой өнгөрүүлэхийг хүссэн хүмүүс төв талбайг зорьж болох нь.