Монгол орон даяар “Ажилтай,Орлоготой Монгол Залуу” хөтөлбөр нээлтээ хийлээ. Уг хөтөлбөр нь гурван төслийн хүрээнд явагдах юм. Үүнд “Цагийн ажил”, “Ажлын гараа”, “Сумын залуус” зэрэг төслүүд багтаж байгаа юм. Дээрх төслийн талаар Залуучуудын хөдөлмөрийн төв биржийн захирал Б.Эрдэнэбатаас тодруулахад “Оюутан залуус сурч боловсрохын хажуугаар эх орныхоо бүтээн байгуулалтад оролцож, суралцаж байгаа чиглэлийнхээ дагуу 21 аймгийн 331 сумыг хөгжүүлэхэд гар бие оролцоход хөтөлбөрийн гол зорилго оршиж байгаа юм. Мөн 21 аймагт жишиг өвөлжөө барих, хадлан хадах, ургац хураах, авто зам, төмөр зам, барилга байгууламж барих зэргээр ажил хөдөлмөр эрхлэх нөхцөл боломжоор хангаж байна. Ажлын хөлсний хувьд 200000-500000 төгрөгний хооронд байх болно. Төслийг Хөдөлмөрийн яам 100 хувь санхүүжүүлж байгаа” хэмээн онцоллоо. Хөтөлбөрт хамрагдахыг хүссэн оюутан залуус МЗХ-нд бүртгүүлэх боломжтой юм байна.