Хичээлийн анхны өдрөө 12 настай бяцхан охин Б.Есүгэн хууль бусаар барилга барьж байсан компанийнхны хариуц­лагагүй үйлдлээс болж алтан амиа алдсан. Жил орчмын өмнө болсон уг хэргийн шүүх хурал өнгөрсөн долоо хо­ногт Баянгол дүүргийн шүү­хэд болжээ. Уг нь, шүүх ху­рал маргааш буюу энэ сарын 3-нд болох байсан ч гэнэт хуга­цаа­наа­саа өмнө яагаад хуралдсан нь то­­до­­р­хойгүй байна. “Орд гео” ХХК-нд бетон зуурмаг ша­­хагч автопомпын туслах ажил­­тнаар ажиллаж байсан Б.Даш­нямд шүүх нэг жил, “Мон­голын хот байгуулалтын хү­рээлэн” ХХК-ийн гүйцэтгэх захирал байсан Б.Батболд, “Төгс гүрэн” ХХК-ийн ерөнхий захирал байсан Д.Болд нарын үйл ажиллагаа явуулах эрхийг хоёр жилээр хасч, тус бүр хоёр жилийн ял оноож. “Орд гео” ХХК-ийн ерөнхий захирал Б.Саранхүү, “Буянтрак” ХХК-ийн гүйцэтгэх захирал Б.Буянтэгш, “Премиум Конк­рет” ХХК-ийн гүйцэтгэх захир­лаар ажиллаж байсан О.Бат­мөнх нарын өмнө нь явуулж бай­сан тодорхой албан ту­шаал эрхлэх, үйл ажиллагаа явуу­лах эрхийг нь хоёр жилийн хуга­цаагаар хасч, шүүгдэгч тус бүрт хөдөлмөрийн хөлс­ний доод хэмжээг 200 дахин нэмэг­дүүлсэнтэй тэнцэх хэмжээний буюу 28 сая 80.000 төгрөгийн  торгуулийн ял оногдуулсан байна. Харин “Премиум конк­рет” ХХК-ийн хөдөлмөр хам­гааллын ажилтнаар ажил­лаж байсан С.Очирсүрэн, “Консолит” ХХК-ийн хяналтын мене­жерээр ажиллаж байсан Б.Баттулга нарын үйлдлийг “Гэмт хэргийн бүрэлдэхүүнгүй” хэмээн үзэж хэргийг хэрэгсэхгүй болгожээ.
Шүүх хурал өнгөрсөн зур­га­дугаар сарын 10-нд болохоор товлогдсон ч өм­гөөлөгчид нь хавтаст хэрэг­тэйгээ танилцаж амжаа­гүй гэсэн шалтгаанаар хой­шилж байсан юм.