25-30 настай, татварын байцаагч Э гэгч эмэгтэй  нийслэлийн Баянгол дүүргийн нутагт  энэ сарын 2-нд шилжих шөнө гадны нөлөөтэй амиа алдсан хэрэг гарсан. Түүнийг 70 орчим удаа хутгалж амийг нь хөнөөсөн байж болох сэжигтнийг цагдаагийнхан  баривчилсан байна. Энэ аймшигт хэргийг мөн л Татварын байгууллагад ажилладаг, 39 настай Т гэгч эмэгтэй үйлдсэн гэж эх сурвалж мэдээллээ.  Тэрээр  бүсгүйг хардсаны улмаас өс хонзон авах зорилгоор  хөнөөсөн  болохоо мэдүүлж байгаа юм байна.
Хэвлэл мэдээллийн хэрэгслээр талийгаач бүсгүйг ажил албан үүрэгтэй нь холбоотой, татварын удирдлагуудын мөнгө идсэн хэргийг гэрчилж байсан зэргээр бичиж үүнтэй холбоотойгоор амийг нь хөнөөсөн байж магадгүй гэж бичиж байсан ч эх сурвалж үүнийг батлаагүй байна.