Шүүх, шүүгчийн аюулгүй байдлыг хангах гэрч, хохирогчийг хамгаалах, шүүгдэгч, ялтныг хуяглан хүргэх, оргон зайлсан шүүгдэгч, ялтныг эрэн сурвалжлах чиг үүрэг бүхий бүтэц зохион байгуулалтыг зохицуулах зорилготой Маршалын албаны тухай хуулийн төслийг УИХ-ын чуулганы өнөөдрийн нэгдсэн хуралдаанаар хэлэлцлээ.
Хуулийн доторхи агуулгын хувьд маргаантай асуудал гараагүй боловч “Маршал” гэсэн гадаад  нэршлийг заавал хэрэглэх үү, дүйх монгол үг байна уу хэмээн нэлээд маргалдсаны эцэст  хуралдаанд оролцсон гишүүдийн олонхийн саналаар “Тахар”-ын албаны хууль хэмээн нэршихээр болж баталлаа.  Энэ нь 1921 оноос өмнөх Монголд ажиллаж байсан хууль сахиулагчийг “Тахар” гэдэг байсныг буулган авч байгаа хэрэг гэнэ.
Ийнхүү Монгол Улс шүүхийн тогтолцооны явцад аюулгүй байдал сахиулах тогтолцоог журамласан хуультай боллоо.