Энэ сард бороо хур элбэгтэй, аянга цахилгаантай бороо орох төлөвтэй байгаа учир Нийслэлийн онцгой байдлын газраас аянга цахилгааны аюул ослоос хэрхэн сэргийлэх талаар зөвлөмж хүргэж байна.





•    Аянганы дуу бүдэг сонсогдож байсан ч өөрийн тань байгаа газар аянга буух аюултай;
•    Аянга нь өндөрлөгт байгаа зүйл уруу унах нь элбэг, өндөр зүйл дээр буусан аянга дотогш дамжих аюултай;
•    Нэг дор бөөнөөрөө байхгүй байх;
•    Ил задгай саванд шатамхай бодис хадгалахгүй байх;
•    Өндөр уулын оройд, тэгш тал газрын голд болон нүцгэн хадан дээр байрлахгүй байх;
•    Аянгатай үед усанд орох нь аюултай;
•    Мөн радио, телевиз, гар утас зэргийг унтрааж байх;
•    Саваа модон хэлбэртэй биетийг толгой дээрээ барихгүй байх;
•    Биеийн өндрийг аль болох нам болгож, ингэхдээ 2 гараараа газар тулалгүй, хөлөө нийлүүлээд чихээ дарах байрлалыг сонговол аюулгүй;
•    Машин дотор харьцангуй аюулгүй. Машин дээр аянга буусан ч дотор нь дамжиж орохгүй. Цонхоо заавал хааж, дээвэр цонхноос зайдуу суух хэрэгтэй;  
•    Аянга нижигнэх дуу гармагц мориноосоо бууж доош суух хэрэгтэй;
•    Модонд хэт ойртох нь аюултай, мөн хэт холдож болохгүй. Модноос 4 метрээс дээш зайнд холдож доош суух;
•    Цахилгаан шон дээр аянга их буудаг учир шонгоос хол байх хэрэгтэй;
•    Гэрийн янданг яаралтай авч, өрхөө бүтээх, телевизийн антенныг брезинт буюу даавуугаар бүтээх;
•    Аянга цахилгаантай үед нейлон, пролонон хувцастай байх нь цахилгаан цэнэгийн газардуулгагүй болж цэнэг хуримтлах осолтой;

Цахилгаанд цохигдсон хүнийг      нойтон шороо, норгосон зүйлээр хучих нь тустай.