Үүрэн телефоны отгон оператор G Mobile өдгөө зургаа дахь жилдээ үйл ажиллагаа явуулж Монгол орны 21 аймаг, нийслэлд сүлжээгээ хүргэсэн томоохон компани болоод байгаа билээ. 500 000 гаруй хэрэглэгчтэй гэх уг компани анх гарч ирэхдээ сүлжээндээ үнэгүй гэсэн мессэж тараан чамгүй олон хэрэглэгчийг татаж чадсан. Гэвч удалгүй төлбөртэй болгож олон хэрэглэгчээ алдсан. Гэтэл сүүлийн үед тус операторынхон нэгэн үйлчилгээг бас нэвтрүүлсэн нь үнэнч хэрэглэгчдийнх нь бухимдлыг төрүүлээд байгаа аж. Учир нь дараа төлбөрт хэрэглэгч дугаараа ашиглаагүй ч гаднаас ирсэн дуудлага, болон мессэж хүлээн авсан бол багцын сарын суурь хураамж бодогдох болсон аж. Тиймээс зарим нэг хэрэглэгч дугаараасаа татгалздаг ч юм уу гэж бухимдуу байна.