Өнөөдөр Улаанбаатарт үүлэрхэг.Дуу цахилгаантай түр зуурын бороо орно. Салхи зүүн өмнөөс секундэд 5-10 метр. 26-28 градус дулаан байна.  11 цагийн байдлаар Улаанбаатарт 22 градус дулаан, харьцангуй чийгшил 43 хувь, агаарын даралт 862 гектопаскаль байлаа. Даралт өдөртөө тогтвортой байна.
Өнөөдөр ихэнх нутгаар үүлэрхэг. Баруун зүгийн нутаг, төв болон зүүн зүгийн нутгийн зарим, говийн нутгийн хойд хэсгээр усархаг бороо орох тул үер усны аюулаас сэрэмжтэй байхыг анхаарууллаа. Салхи баруун зүгийн нутгаар баруун хойноос, бусад нутгаар баруун өмнөөс секундэд 5-10 метр, зарим газраар түр зуур секундэд 12-14 метр хүрч ширүүснэ. Алтай, Хангай, Хөвсгөлийн уулархаг нутгаар 18-23 градус, говийн нутгийн өмнөд хэсгээр 29-34 градус, бусад нутгаар 23-28 градус дулаан байна.