Нийслэлд ойрын өдрүүдэд усархаг бороо байн байн орсны улмаас зарим голын усны түвшин дээшилж үерийн хэмжээнд хүрээд байна. Туул голын усны түвшин өчигдөр 15 цагийн орчимд үерийн хэмжээнд хүрч гатлах боломжгүй болсны улмаас хүмүүс эрэг дээр нь боогдсон мэдээ манай редакцид ирсэн юм. Энэ талаар Нийслэлийн шуурхай удирдлагын тэнд төвөөс тодруулахад “Баянзүрх дүүрэгт Авто тээврийн товчоо орчимд Туул голын эрэг дээр иргэд боогдсон мэдээ манайд ирсэн. Манай аврах багийнхан ажиллаж байгаа. Аврах ажиллагаа ид явагдаж байгаа учраас тодорхой мэдээлэл манай төвд хараахан ирээгүй байна” гэсэн юм. Тиймээс иргэдийг аялж зугаалахдаа сонор сэрэмжтэй байхыг анхааруулж байна.