МАН-ыг татан буулгах гэж иргэн Батзориг Монгол Улсын Дээд шүүхэд удаа дараа хандан өргөдөл өгсөн ч 100 орчим өргөдөлийг  нь хүлээж авалгүй, үндэслэлгүй гэсэн хариу өгч байсан гэнэ. Иймд тэрээр Монгол Улсын дээд шүүхийн гадаа суулт хийхээр болж энэ тухай зөвшөөрөл авахаар нийслэлийн Чингэлтэй дүүргийн Засаг даргад өргөдөл өгчээ. Тэрээр суулт хийхийг зөвшөөрсөн хариу ирмэгц сууж эхэлнэ гэдгээ өнөөдөр “Зууны мэдээ сонин”-ы байранд хийлгэсэн хэвлэлийн бага хурал дээрээ мэдэгдлээ.
Тэрээр МАН нь 2008 оны сонгуулийг будлиантуулан ард түмнийг хуурч Засгийн эрхийг хууль бусаар аван хамтарсан Засгийн газар байгуулсан, долдугаар сарын 1-ний эмх замбараагүй байдлыг үүсгэж, хүмүүсийн амь нас, эрүүл мэндэд хор хохирол учруулсан, гол буруутан нам. Олигархиудаар дүүрсэн энэ намыг Монгол Улсын дээд шүүх татан буулгах ёстой гэсэн юм.