Батлан хамгаалахын сайд Д.Бат- Эрдэнийн дүү өнгөрсөн амралтын өдөр Хяргас нуурт амарч яваад, усанд осолдож амиа алджээ.  Тэрээр Хяргас нуурын  нэгэн амралтад амарч байхдаа хоёр хүнтэй хамт хөвдөг гудсаар нуурын гол хэсэг рүү явжээ. Хамт явсан хүмүүс нь үлдэж, хүн барагтай бол очдоггүй, хориглосон хэсэг рүү талийгаач ганцаараа очсон гэнэ. Тэр үед хөвдөг гудасных нь хий гарч, усанд осолдсон бололтой. Талийгаачийг тэндэхийнхэн олж чадахгүй байсан учир хотоос тусламж хүсэхэд Батлан хамгаалахын сайд ОБЕГ-ын усчин-аврагч 10 гаруй хүнтэй Зэвсэгт нисдэг тэргээр Хяргас нуурт ирсэн байна. Харамсалтай нь аврагчид осол гарсны маргааш буюу ням гаригт талийгаачийн цогцсыг нуурын 18 метрийн гүнээс олж гаргасан байна. Д.Бат- Эрдэнийн дүү Тавантолгой компанийнхаа үйл ажиллагааг хариуцдаг байсан гэнэ.