Хосууд танилцсан даруйдаа, гэр бүл болсныхоо дараахан ямар  байдаг билээ. Бие биенээ хайрлаад л, халамж анхаарал тавиад л.... Дараа нь хүмүүс бие биедээ дасч, амьдрал төлөвшөөд ирэхээр гэр бүлд нэг их шинэ, ер бусын зүйлгүй мэт болж нэг нэгэндээ нэг их анхаарал тавихаа больдог. Магадгүй бүр юм бүхэн улиг мэт санагдах үеч гарч магадгүй. Ийм нөхцөлд гэр бүлийнхээ харьцааг анхных шигээ гэгээлэг сайхан болгохын тулд яах вэ.

1.    Ажлаасаа тарж ирээд шууд л компьютерийн өмнө суух юм уу, диван дээр битгий хэвтээд өг. Харин хайртай хүнтэйгээ ярьж хөөрч, өдрийг хэрхэн өнгөрөөсөн, шинэ сонин юм болсон зэргийг асууж ярилц. Гэр орныхоо тухай, цаашдын ямар нэгэн төлөвлөгөөнийхөө тухай зөвлөж ярилц, саналыг нь сонс.

2.    Ямар нэгэн юм хийж байхад нь тусал, гэрийн ажлаа хамтран хий.

3.    Амралтаа телевизийн өмнө, компьютерийн ард бүү өнгөрүүл. Хайртай хүнтэйгээ хамт цэцэрлэгээр зугаал, дугуй, мориор аял. Өвөл бол цана тэшүүрээр гулга. Ийм үед нэг нэгэндээ тавих анхаарал нэмэгдэж харьцаа улам дотносдог

4.    Нэг л хэвийн байдлаас аль болох зайлсхий. Зоогийн газарт хооллож, гэртээ ч гэсэн лаа асааж романтик байдлаар хоолло. Дарс задал. Усанд хамт орж, кино хамт үз.

5.    Хэзээ нэгэн цагт хамт очно гэж ярьж байсан газар байдаг бол тийшээ яв. Цагаа аятайхан өнгөрүүл. Очиж үзээгүй газраар явахад сэтгэл сэргээд л явчихна.