Наймдугаар сарын 1-нээс замын хөдөлгөөний шинэ дүрэм хэрэгжиж зөрчил гаргасан  жолоочид гэрийн хаягаар нь торгуулийн хуудас хүргүүлж эхлээд байгаа. Тэгвэл баасан гарагийн байдлаар нийт 480 жолоочид шуудангаар торгуулийн хуудсыг нь илгээгээд байгаа аж. Энэхүү торгуулийн хуудаст тухайн жолоочийн нэр, хаяг, регистрийн дугаар, дүрэм зөрчсөн байдлыг баримтжуулсан зурагтай нь хүргэсэн. Торгуулийн хуудас хүлээн авсан жолооч  14 хоногийн дотор төлбөрийг Улаанбаатар хотын банкны Төрийн сангийн дансанд тушаах үүрэгтэй. Гэхдээ зөрчил гаргагч торгуулийн хуудсаа хүлээн авснаас хойш 10 хоногийн дотор гомдол гаргах эрхтэй. Хэрвээ торгуулиа төлөхгүй бол жолоо барих эрхийг  нь зургаан сараас хоёр жилийн хугацаатай хасах хүртэл арга хэмжээ авна.