Хүний амьдралын он жил бүр л мартагдашгүй, сайхан, аз жаргалаар дүүрэн байдаг биз. Гэхдээ хэзээ хамгийн их аз жаргалтай, тайван амгалан байдаг вэ гэсэн асуултад хүмүүс 50 наснаас дээш гэж хариулжээ. Утсаар явуулсан энэ санал асуулгад 34 мянга гаруй хүн оролцоход  жинхэнэ аз жаргал 50 наснаас цааш л тогтворжиж эхэлдэг гэжээ. Харин 85 хүн л 18 хүртэлх насандаа хамгийн сэтгэл хангалуун байна гэж хариулсан байна. “Энэ бүхэн хүний амьдралыг харах, ойлгох үнэлгээтэй холбоотой. Нөгөө талаар хүний тархи жаргалыг мэдрэх тусгай химийн бодис ялгаруулах нь ийм насанд идэвхждэгтэй холбоотой байж болох юм” гэж судалгааны багийн эрдэмтэн Нью-Йорк мужийн Сэтгэл судлалын их сургуулийн профессор Артур Стоун хэлжээ.