Ус цаг уур орчны хүлээлэнгээс мэдээлж буйгаар өнөөдөр  төв, зүүн зүгийн нутгаар, 8-нд зарим газраар, 9-нд баруун зүгийн нутгаар, 10-нд  төвийн нутгаар дуу цахилгаантай бороо  үргэлжлэн орох нь. Салхи ихэнх хугацаанд Алтайн салбар уулс, Говь талын нутгаар секундэд түр зуур 16-18 метр хүрч ширүүснэ. 7-нд нутгийн хойд хэсгээр сэрүүхэн байх боловч цаашдаа дулаарч Алтай, Хангай, Хөвсгөл, Хэнтийн уулархаг нутгаар шөнөдөө 9-14 хэм, өдөртөө 18-23 хэм, говийн бүсийн өмнөд хэсгээр шөнөдөө 17-22 хэм, өдөртөө 30-35 хэм хүртэлх юм байна. Харин  бусад нутгаар шөнөдөө 11-16 хэм, өдөртөө 23-28 хэм дулаан байна хэмээн мэдээллээ.