Сүүлийн хоёр өдөр үргэлжлэн бороо орсны улмаас нээгдэх байсан замууд хойшлогдоод байна. Тухайлбал, Зүүн дөрвөн замын уулзвараас зүүн тийш “Гялс” төв рүү эргэх уулзвараас Баянзүрх дүүргийн Засаг даргын Тамгын газрын байр хүртэлх нэг  км авто замын урд талын урсгалд асфальт хучилт хийж нээсэн бөгөөд энэ хэсгийн хойд талын урсгалыг хаасан.  Уг замыг өнөөдөр  нээхээр төлөвлөсөн ч бороотой үед хучилт хийх боломжгүй учраас төлөвлөсөн хугацаа хоёр хоногоор хойшлоод байгаа аж. Мөн Баянбүрдийн тойргоос Цагаан байрны уулзвар хүрэх 640 метр авто замын хөдөлгөөнийг хааж  энэ сарын 12-ны өглөө нээсэн байх ёстой ч цаг агаарын нөхцөл байдлаас шалтгаалан хугацаа хоёр хоногоор хойшилжээ. Үүнээс гадна  Туннелиэс хойш Сансарын аюулгүйн тойрог хүртэлх хэсгийг хаах хугацаа мөн борооноос байгаагаас шалтгаалан хойшлоод байгаа юм.