Нийслэлийн Мэргэжлийн хяналтын газрын Дэд бүтцийн хяналтын хэлтсээс хийсэн шалгалтын энэ оны эхний хагас жилийн дүнгээр нийслэлийн хэмжээнд зөрчилтэй 40 барилга илэрчээ. Тодруулбал барилга угсралтын ажил эхлүүлэх, үргэлжлүүлэх зөвшөөрөл аваагүй 36 барилга байгаа бөгөөд дөрөв нь зөвшөөрөл авах хүсэлтээ ирүүлээд буй аж. Түүнчлэн хөдөлмөрийн аюулгүй ажиллагааг мөрдөөгүй зөрчил нэлээд илэрсэн байна. Хэрвээ зөрчлөө арилгахгүйгээр ажлаа үргэлжлүүлсэн тохиолдолд НИТХ-аас баталсан “Барилга угсралтын үйл ажиллагаанд хөдөлмөрийн аюулгүй байдал эрүүл ахуйн шаардлага хангах асуудлыг зохицуулах нийтлэг журам”-ын дагуу барилгын үйл ажиллагаа эрхлэх тусгай зөвшөөрлийг хүчингүй болгуулах хүртэл арга хэмжээ авах юм.