Саяхан компанийн маань бөх түрүүллээ хэмээн хөл хөөрцөг болж байсан “Ноёд” группын ерөнхий захирал Г.Буяндоржийг Нийслэлийн прокурорын газраас орон даяар эрэн сурвалжилж эхэлсэн тухай мэдээлэл гарах болов. Түүнийг мөрдөн байцаалтын явцад оргон зайлсан гэх үндэслэлээр ийн эрэн сурвалжилж байгаа аж.
Г.Буяндоржийг энэ оны эхнээс шалгаж эхэлсэн юм. Бусадтай бүлэглэн их хэмжээний мөнгө угаасан, татвараас зугтсан, авилга өгсөн гэх үндэслэлээр түүнийг буруутгаж, Улсын мөрдөн байцаах газрын Эдийн засгийн гэмт хэрэгтэй тэмцэх тасгагт эрүүгийн хэрэг үүсгэж шалгаж байсан юм.