Төмөр замын гарам дээр осолдсон галт тэргийг зайлуулах ажлыг холбогдох албаныхан хийж байна. Яг одоо ослын газар дээр Улаанбаатар төмөр замын дарга Сэрээнэндорж өөрийн биеэр ажиллаж байгаа юм байна. Осолдсон галт тэрэг нь ачааны галт тэрэг байжээ. Ослын улмаас хоёр машинист, ачаа хүргэгч нэг, камазын жолооч гэсэн дөрвөн хүн гэмтэж эмнэлэгт хүргэгдсэн байна. Энэ галт тэрэгний араас ирэх Замын-Үүд-Улаанбаатарын чиглэлийн зорчигч тээврийн галт тэргийг Хонхор өртөөнд зогсоож 2500 зорчигчийг Улаанбаатар руу автобусаар тээвэрлэхээр болсон байна.
Ослын улмаас 200 орчим төмөр зам эвдэрч, сүйджээ. Эвдэрсэн замыг хэсэгчлэн засварлах ажлыг шуурхай хийж эхэлсэн байна.