Хонконгийн Зүүн өмнөд хэсгээр өчигдөр үүрээр 63 км\цаг хурдтай, гамшгийн наймдугаар зэрэглэлд хамаарах хүчтэй хар салхи дайран өнгөрчээ.
Цаг агаарын урьдчилсан мэдээгээр Ютор хар салхины нөлөө бүхэл өдрийн турш Хонконгт мэдрэгдэнэ гэж зарласан учир тус улсыг бүх албан байгууллага ажиллаагүй байна.
Мөн олон улсын нисэх буудалд 34 нислэг цуцлагдаж, 341 нислэг хүлээгдэж байгаад үдээс хойш зарим нислэг сэргэжээ. Монголын “Хүннү эйр” агаарын хөлөг 20 гаруй минут тойрч буусан ч хөөрөхдөө хэвийн ниссэн аж.
Салхины хүч 14-19 цагийн хооронд дахин нэмэгдэх магадлалтай бөгөөд 19 цагаас хойш байдал намжих төлөвтэй байна гэж Хонконгийн цаг уурын ажиглах төвөөс мэдээлсэн байна. Уг байгалийн гамшигт монгол иргэд өртсөн тохиолдол гараагүй гэж Хонконг дахь Монгол Улсын Ерөнхий Консулын Газраас мэдээлэв.