“Улаанбаатар цахилгаан түгээх сүлжээ” компани улирлын засвар үйлчилгээ хийж байгаатай холбогдуулан энэ сарын 15-нд Баянгол, Чингэлтэй, Баянзүрх дүүргийн зарим оршин суугчийн эрчим хүчийг түр хязгаарлахаа мэдэгдлээ. Тухайлбал, Чингэлтэй дүүргийн VIII, IX хороо, Баруун, Зүүн, Дунд Тасганы оршин суугчид болон Баянзүрх дүүргийн XII хорооны Чулуут, Чулуун овоо, Задгай хэсгийн хэрэглэгчдийн цахилгааныг түр хязгаарлах юм байна. Харин 16-наас Сонгинохайрхан, Багахангай, Хан-Уул дүүргийн зарим аж ахуйн нэгж, өрхийн эрчим хүчийг түр хязгаарлан засвар үйлчилгээгээ хийх аж. Дашрамд, тус компани энэ сарын 30 хүртэл нийслэлийн аж ахуйн нэгж, өрхийн цахилгааныг 10-18 цаг хүртэл түр хязгаарлах тул цахилгаан хэрэгслээ салгаж байхыг сануулжээ.