ОХУ-ын Гадаад хэргийн сайд Сергей Лавров нэгэн дуулиант мэдэгдэл хийлээ. 2014 оноос Монгол Улс ОХУ-ын бүрэлдхүүнд Автономит бүгд найрамдах улсын эрхтэйгээр орно гэсэн байна.
Энэ нь зөвхөн визийн дэглэмийг өөрчлөх төдийгүй орос-монголын эдийн засгийн нягт хамтын ажиллагааны илрэл болно. Монгол өнөөдөр нефть бүтээгдхүүнийхээ 95 хувийг оросоос авч байгаа.
Урьдчилсан хэлэлцээрт ОХУ-ын ерөнхийлөгч Дмитрий Медведев, Цахиагийн Элбэгдорж нар 2012 оны дөрөвдүгээр сарын 12-нд гарын үсэг зурсан бол өчигдөрхөн ОХУ-ын Холбооны зөвлөл баталж, дараа нь Ерөнхийлөгч Владимир Путин батална.

“Оросын хувьд ийм нэгдэл маш чухал. Зөвлөлт нийгмийн үед Монгол нь ЗХУ-ын хувьд зүгээр л  тусламж дэмжлэг авдаг бүс нутаг байсан бол өнөөдөр байдал өөр болсон. “Синьхуа” агентлагийн мэдээгээр монголын ДНБ 2011 онд 17,3 хувь өсч, үндсэндээ эдийн засгийн өсөлтөөр дэлхийн тэргүүлэгч орон боллоо.  Тэгэхэд хятадын ДНБ  2011 онд ердөө л 9,8 хувь байсан бол оросынх 4,3 байсан.  Үүнээс гадна Монгол улс 1997 оноос Дэлхийн худалдааны байгууллагын гишүүн. Цагаачлалын талаар энэ улс тусгай хөтөлбөр боловсруулан мөрдөж байна. Одоохондоо пик мэт боловч аажимдаа бол тэнд ажил олдоно. Ийм байдлаар бид үнэстэн хоорондын зөрчилдөөнөөс сэргийлж болох юм. Ер нь бол монголд нөхцөл байдал улам сайжирч байгаа. Одоо тус улсад 2 сая 755 мянган хүн амьдарч байна. Нэг хавтгай дөрвөлжин км газар нутагт 1,8 хүн сууж байна. Энэ бол оросынхоос найм  дахин бага байна гэсэн үг. Тэгэхээр яахав. Мэдээж цыгануудын маягаар нүүдэллэн амьдарч байгаа юм чинь”.

Монгол бол хэзээнээсээ Орост молибден, төмс, ямааны ноолуур нийлүүлдэг орон. Монголчуудын хувьд үндэсний хэл нь монгол, гэхдээ кирилл бичигтэй, сургуулиудад нь одоо орос хэлийг заавал үзэх хэл болгон зааж байна.
Одоо тэгээд монголд бас нэг шинэ баяр, Орост нэгдсэний баярыг тэмдэглэх болох нь. Эхний ийм баярыг  2014 оны тавдугаар сард Улаанбаатарын төв талбайд тэмдэглэхээр  одоо 10 мянган суудалтай шинэ павильон барьж эхэлж байна.
Монголын боловсролын яам нь монголын соёлыг орост түгээн дэлгэрүүлэх хөтөлбөр гаргажээ. Энэ дотор монгол гэрт амьдрах, айраг исгэх, хуучин монгол бичиг заах, Чингистэй холбоотой эртний дурсгалыг судлах асуудлууд орж байгаа юм байна.

УИХ-ын дарга Дамдины Дэмбэрэл нь “Манай хоёр ард түмэн хэдий цагаас, бүр монгол-татарын довтолгоо гэж оросууд ярьдаг тэр үеэс хөрш явж ирсэн. Үнэн хэрэгтээ энэ бол довтолгоо ч байгаагүй, хоёр их соёлын харилцан үр ашигтай хамтын ажиллагаа байж, үр шимээ үлдээсэн. Одоо бид энэ холбоогоо сэргээх боломж бүрдэж байна. Орос монгол ахан дүүс гэдэг бол гоёчилсон үг биш, баримт. Бидний биеэр нэг цус гүйж  байгаа. Хуучин гомдлоо мартаад, дахиад хамт байх болж байна. Энэ бол зөв шийдвэр” гэж хэлж байна хэмээн kavkazpress.ru сайтад 2013 оны наймдугаар сарын 16-нд бичжээ.

Энэ доор Аноним нэрээр наймдугаар сарын 17-нд бичсэн нэгэн “2012 оны дөрөвдүгээр сард ОХУ-ын ерөнхийлөгч аль хэдийнээ Путин болчихсон байсан. Баримтаар бол Монгол хэзээ ч хэнтэй ч, тэр дундаа оростой нэгдэхгүй. Монголд өнөөдөр ажил хэрэг тун сайн байгаа. Тэд улс төрийн хувьд ч эдийн засгийн талаар ч хоёр том хөрштэйгөө тун тэнцвэртэй харилцаж байна. Таван толгойн нүүрсний ордыг ашигласныхаа 30 хувиар хөхүл хүүхдээс аваад хөгшид настан бүртээ ногдол ашиг өгч байна. 2011 оны зунаас Кувейт монголд нефть нөөцөлж эхэлбэл тэд оросоос нефть авахаа болино. Энэ онд халимаг угсааны ерөнхийлөгчөө хоёр дахь удаагаа дахин сонгосон” хэмээн сэтгэгдэл  бичжээ.
Бас нэг нөхөр “Монгол ахан дүүсээ Оросын бүрэлдхүүнд орж байгаад нь талархалтай угтан авъя” гэсэн байна.
Ер ийм материал 2012 оны зургадугаар сард http://fognews.ru сайтад бас гарч байсан билээ.