“МАН-ын дарга М.Энхболд” гэсэн нэртэй материал зарим сайтуудад гарч эхэлж. Уг нь бол “МАН-ын дарга асан” гэмээрсэн. Ямар нэгэн албан тушаал хашиж байсан хүнийг монгол хэлэнд “асан” хэмээн бичдэг. Тэгээд ч өнөөдөр МАН-ын даргын албан тушаалыг Ө.Энхтүвшин гэдэг хүн хашиж байгаа, тэр хүнийг халагдсан солигдсон, нас барсан гэж дуулдаагүй.
Гэтэл МАН-ын их хурал хуралдах тов өдөр өдрөөр ойртож байгаа үед М.Энхболд гэдэг энэ хүн хэвлэлүүдийг мөнгөөр цутган байж ингэж бичүүлж эхлэх нь түүний найруулсан хор нам дотроосоо хальж хэвлэл мэдээллийн хэрэгсэл рүү орон, энэ албан тушаалын төлөө цацаж байгаа мөнгө нь нийгмийн нэлээд олон салбар луу цутгаж эхэлсний шинж юм болов уу.
МАН-ын “Шинэчилье” хөдөлгөөний залуучууд намын толгойд улиг болтол суусан олигархиудаасаа сална гэж ярьсаар байхад энэ хүн сайтуудад “М.Энхболд МАН-ын даргаар бараг эчнээ сонгогдсон гэж хэлэх үндэстэй. Учир нь их олон талаас дэмжлэгтэй хүн бол М.Энхболд бололтой. МАН дотроос ч, МАХН талаас ч, тэр байтугай эрх барьж байгаа намын зарим бүлэг фракцийн зүгээс ч  хүртэл дэмжлэг авч чаджээ” гэж бичүүлж байгааг бодоход хамаг хороо найруулаад ажлаа бараг цэгцэлчихсэн байгаа бололтой. Одоо зөвхөн нийгэм, олон түмэнд “М.Энхболд шиг лидер МАН-д бүү хэл, энэ Монгол Улсад байхгүй” гэдгийг “ойлгуулан” тархинд нь суулгах л үлдсэн юм болов уу. Үүнийхээ төлөө газрын энэ наймаачин хэдий хөрөнгө зардаг юм бол.
Сонгууль ойртохын хэрээр ирээдүйд олдож мэдэх албан тушаалын үнэрээр албан тушаалын наймаа, хор найруулах явдал  хүчээ авдаг энэ намын тухайд уг нь энэ нэг их шинэ зүйл биш. Харин өмнө нь энэ намын дарга байгаад, үүнийхээ хэрээр Монгол Улсын Засгийн газрын тэргүүний суудалд бас ч гэж нэг жил илүү суугаад аван, тэр үедээ хамаг муу муухайгаа дэлгэж олигтой хүн биш гэдгээ харуулсан, газрын наймаачин энэ нөхөрт нэг бодол байгаа бололтой.
Гэхдээ өөрөө бол үүнийгээ ёстой нэг чадаж байсан, ер нь би удаахан хугацаагаар захирсан бол Монгол Улсыг цэнгэлийн манлайд хүргэж юун америк, юун сингапур болгох байсан юм, даанч С.Баяр л садаа болсон юм гэж бодож яваа л даа.
Урьд нь нийслэлийн засаг дарга байхдаа Улаанбаатар хотын аль өнгөтэй өөдтэй, төвийн газруудыг хувийн дуудлага худалдаагаар зарж борлуулан энэ хотын хүүхэд багачуудыг тоглох, хөгшчүүлийг нарлах талбайгүй, явган хүнийг явах газаргүй, тэр ч байтугай орон сууцны иргэдийг нар харах аргагүй болтол наймаалж хөлжсэн, төрөөс төрсөн тэрбумтан энэ нөхөр 2016 оны сонгуулийн дараа Монгол Улсын Ерөнхий сайд болж байна гэж  зүүдлээд унтаж чадахгүй байгаа бололтой.
Өндөр албан тушаалын төлөө яахаас ч буцахгүй энэ хүн тухайн үед Монгол Улсын Ерөнхий сайд Ц.Элбэгдоржийг албан ёсоор үүргээ гүйцэтгэж байхад өрөөнд  нь сэтгүүлчдийг дагуулан орж тамгыг нь булаах гэж зүтгэж байсан хүн.
Одоо түүний сэтгэлд МАН-ыг хуучин цагийн ЗХУ-ын Коммунист намаас ч мундаг болгоод 2016 оны сонгуулиар УИХ-ын 76 суудлыг бүгдийг нь аваад сөрөг хүчингүй коммунист улс байгуулчихна. Тэгээд сонгуулийн маргааш өдрөөс эхлээд энэ засаг төрийн бүхий л албан тушаалыг сэмхэн дуудлагаар худалдахад АНУ-д ч юм уу, Хавайд, ер ертөнцийн нэг мухарт  арал худалдаад авчихна гэж мөрөөдөж байгаа. Уг нь ч энэ хүн нийслэл хотын газраас арал байтугайг худалдаж зарж үрж байж,  бэлтэй болсон луйварчин  л даа.
Тэгээд бас цаашаа Монгол Улсын Ерөнхийлөгчийн суудал, өөр бас дэлхийд алдраа  алдраа мандуулчихвал Олон улсын өөр том албан тушаал ч юу байдаг билээ  гэж мөрөөдөж  байгаа биз. АНУ арай нэг Монгол Хүнээр Ерөнхийлөгчөө сонгохгүй юм даа....
Зарим сайтуудад гарч байгаа материалыг харвал М.Энхболд өөрийгөө бүр намын дарга болсон гээд бүр итгэчихсэн намынхаа нарийн бичгийн дарга мэт  албан тушаалыг наймаалаад эхэлчихсэн бололтой.