Монголын морин спорт уяачдын холбооны анхны ерөнхийлөгч Пунцагбалжир агсныг моринд хорхойтой, морь сонирхогчд андахгүй билээ. Тэгвэл сайн эцгийнхээ үйл хэргийг үргэлжлүүлж, нэр хүндийг нь өргөж яваа хүү Энхмөнх өнөөдөр өөрийн Их хангай угшлын адуун сүргээсээ хурдан удмын охин даагыг фэйсбүүк болоод твиттер хуудас ашигладаг хүмүүсийн дунд дуудлага худалдаагаар заржээ. Энэхүү хурдан удмын даагыг Содномын Наранболд гэдэг хүн гурван сая төгрөгөөр худалдаж авсан байна.
П.Энхмөнхийн хувьд хурдан удмын даага зарсан мөнгөөрөө эмзэг бүлгийн хүүхдүүдэд хичээлийн хэрэгсэл болох ном дэвтэр, үзэг бол авч өгөх саналтай байгаагаа өөрийнхөө фэйсбүүк хуудастаа нийтэлжээ. Мөн өөрийнхөө цахим найз нараас саналыг нь асуусан байна. Түүний энэ саналыг дэмжиж олон хүн сэтгэгдлээ үлдээсэн байна.
П.Энхмөнх анх удаа хүүхдүүдэд туслаж байгаа нь энэ биш юм. Тэрээр олон улсын хүүхдийн эрхийг хамаалах өдрөөр ч тэр эмзэг бүлгийн хүүхдүүдэд бэлэг гардуулж баярлуулдаг нэгэн юм.