“Монголын төмөр замын хөгжлийн асуудлууд” сэдвээр эрдэм шинжилгээний бага хурал өнөөдөр Төрийн ордонд болно. УИХ-ын даргын захирамжаар байгуулагдсан УИХ-ын Дамжин өнгөрөх тээвэр, логистикийн бодлого тодорхойлох ажлын хэсэг, Шинжлэх ухааны академийн Олон улс судлалын хүрээлэн, Их Британийн Кембрижийн их сургууль, Монголын төмөр замын инженерүүдийн холбоо уг бага хурлыг зохион байгуулж байгаа аж.
Эрдэм шинжилгээний хур­лаар “Монгол Улсын тээвэр, логистикийн өнөөгийн байдал, ирээдүйн хөгжил”, “Монголын төмөр замын шинэ бүтээн байгуулалт”, “УБТЗ-ын хөгжил, шинэчлэлийн аэсуудал”, “Монголын гео орон зай ба транзит тээврийг хөгжүүлэх давуу тал ба сорилтууд” зэрэг сэдвээр гадаад, дотоодын эрдэмтэн мэргэжилтнүүд илт­гэл тавих юм байна. Мөн Мон­голын төмөр замын хөгжлийн чиг хандлагыг хөрш хоёр улсын төмөр замын төслүүдтэй уялдуулан хэлэлцэх нь.  
Монгол Улсын газарзүйн байрлалын давуу талыг ашиглан төмөр зам, авто бо­лон агаарын тээврийн дам­жин өнгөрөх зорчигч, ачаа тээвэрлэлтийг нэмэгдүүлэх, тээврийн нэгдсэн логистик сүлжээ бий болгох, нефть, хийн хоолой, холбооны бо­лон цахилгаан дамжуулах шуга­мын талаар нэгдсэн бодлого боловсруулах үүрэг бүхий Ажлын хэсгийг УИХ-ын гишүүн Г.Батхүүгээр ахлуулан 11 хүний бүрэлдэхүүнтэйгээр өнгөрсөн долдугаар сарын 10-нд байгуулжээ.