Эрүүл мэндийн сайд асан Н.Хүрэлбаатарыг тендер будлиантуулж, өөрийн компанийн нэр дээр эмнэлэгийн тоног төхөөрөмж оруулж ирж зарсан, мөн нууц хүүгийнх нь гэрт их хэмжээний буюу хоёр сая 145 мянган юань хадгалж байсан хэмээн эрүүгийн хэрэг үүсгэн шалгаж байсан билээ. Гэвч хэрэгт шалгагдаж байх үедээ гадаад руу оргон зайлсан нь түүнийг интерполоор хайхад хүрсэн. Харин тэрээр “гадаадад томилолттой байсан юм. Би өөрөө очно” гэж хэлж ирэхэд нь онгоцны буудлаас баривчилж цагдан хорих төвд саатуулаад байсан юм. Түүнийг баривчилсны дараах өдрөөс эхлэн мэдүүлэг авч эхэлсэн бөгөөд яллах дүгнэлт үйлдүүлэхээр прокурорт шилжүүлээд байсан юм. Харин прокурорын газраас нэмж тодруулах зүйл байна хэмээн нэмэлт мөрдөн байцаалтад буцаажээ.