Австралийн томоохон боловсрол олгогч Дикиний их сургуулийн судлаачдын баг жирэмсэн байх үедээ хэт их амттан идэх нь эхийн биеийн байдалд нөлөөлөөд зогсохгүй ургийн сэтгэцэд нөлөөлөх өндөр магадлалтайг тогтоожээ. Судалгаанд 23,000 Норвеги жирэмсэн эх оролцуулж маш нарийн шинжилгээ хийсний үндсэн дээр ийн дүгнэлтэд хүрчээ.
Норвегийн эрдэмтэдтэй хамтарсан энэ судалгаанаас үзэхэд жирэмсний үеийн эхийн хооллолт нь ургийн тархитай салшгүй холбоотой гэсэн дүгнэлтийг харж болно. Түүнчлэн хүүхдээ ой хүртэл нь хоолоо зөв тохируулснаа үүсч болох 200 гаруй нярайн өвчлөлөөс сэргийлэх боломжтой. Эрдэмтдийн багийн төлөөлөгч Федис Жакын мэдэгдэж буйгаар бие давхар үед үүсдэг хамгийн түгээмэл шинж тэмдэг болох ямар нэг амттаныг замбараагүй идэх зуршлаа хянаснаар энэ эрсдлээр сэргийлж чадна гэжээ.