“Валютын ханш өссөнтэй холбогдуулан шатахууны үнэ өснө. Үүнийг дагаад нийтийн тээврийн үнэ 500 төгрөг болно” гэсэн мэдээлэл сүүлийн үед олон нийтийн сүлжээгээр цацагдаж эхэлсэн. Нийтийн тээврийн үйлчилгээ эрхлэгч аж ахуй нэгж байгууллагууд нь Нийслэлийн ийтийн тээврийн газартай гэрээ байгуулсаны үндсэн дээр зорчигч тээвэрлэх эрхтэй болдог. Үүний дагуу энэ оны долдугаар сарын 26-ны өдрийн гэрээнд зааснаар “Хот дотор их багтаамжийн автобусанд  том хүн-400, хүүхэд-200, хот орчмын их багтаамжийн автобусанд том хүн 500-2200, хүүхэд 200-1200 төгрөг” байхаар тогтсон байна. Тиймээс олон нийтийн сүлжээгээр тарж байгаа мэдээлэл нь ташаа гэж нийслэлийн Нийтийн тээврийн газраас мэдэгдлээ. Иймд Нийслэлийн нийтийн тээврийн газар Цагдаагийн ерөнхий газарт энэхүү ташаа мэдээллийн эх сурвалжийг тодруулж хариуцлага тооцож өгөхийг хүссэн албан тоотыг хүргүүлсэн тухай албаны эх сурвалж өгүүллээ.