“Гудамж” төслийн хүрээнд нийслэлийн замын 33 уулзварыг шинэчлэх ажил хийгдэж буй. Үүний нэг болох Бөхийн өргөөний арын уулзварыг бүх чигийн хөдөлгөөнтэй дөрвөн замын уулзвар болгож өнөөдөр нээнэ. Энэ уулзварыг энэ сарын 24-нд нээх байсан ч тодорхой шалтгааны улмаас түр хугацаагаар хойшлууд байсан юм. Уулзвар нээх ажиллагаанд Ерөнхий сайд Н.Алтанхуяг, Эдийн засгийн хөгжлийн сайд Н.Батбаяр болон хотын удирдлагууд оролцоно.